Forskólinn

Nemendur hefja námið 7 ára eða samtíma öðrum bekk í grunnskólanum.

Markmið forskólakennslunnar er að búa nemandann undir hljóðfæranám og gera hann hæfan í hrynlestri, nótnalestri og almennri tónfræðiþekkingu.

Í forskólanum er mikið um söng, hreyfingu og hlustun.  Einnig er leikið á hin svonefndu skólahljóðfæri (Orff-hljóðfæri) til að þjálfa þau betur.  Þætti sköpunar er sinnt með allskonar verkefnum þar sem nemendur búa sjálfir til tónlist.  Fljótlega er byrjað á að kenna nemendum á blokkflautu sem er mjög hentugt hljóðfæri fyrir ung börn. 

Á öðru ári í forskólanum fá börnin hljóðfærakynningu og velja sér svo hljóðfæri í kjölfar hennar.  Forskólakennsla fer fram í Tónlistarskólanum og einnig í nokkrum grunnskólum og fer það eftir því hversu margir úr skólahverfinu sækja um.  Því miður er ekki tryggt að öll börnin komist að á hljóðfæri að forskólanum loknum.


Tónlistarskóli Hafnarfjarðar | tonhaf@hafnarfjordur.is | Strandgötu 51 | 220 Hafnarfirði | Pósthólf 23
Sími 555 2704 | Bréfsími 565 4909