Dagur tónlistarskólanna laugardaginn 1. febrúar

UndTónlistarskóli Hafnarfjarðar fagnar 70 ára afmæli á þessu áriirtitill

29.1.2020

Árið 2020 er merkisár í sögu Tónlistarskóla Hafnarfjarðar en þá eru 70 ár liðin frá stofnun skólans. Árið 1946 var Tónlistarfélag Hafnarfjarðar stofnað til að stuðla að tónleikahaldi í bænum og veturinn 1949-1950 stóð félagið fyrir kennslu í píanóleik. Í september 1950 ákvað stjórn félagsins að stofna Tónlistarskóla Hafnarfjarðar og hóf hann starfsemi þá um haustið með 16 nemendum, sem flestir stunduðu píanónám.

Ýmislegt verður gert í tilefni þessa á árinu og verður greint frá því eftir því sem líður á árið. Dagur tónlistarskólanna er fyrsti viðburðurinn af mögum.

Þá koma fram nemendur með þau verk sem þeir hafa undirbúið síðustu vikurnar. Fjölbreytt dagskrá verður í tónlistarskólanum við Strandgötu og hefst hún kl. 13 og stendur til kl. 16. Nýir tónleikar á hálftímafresti. Hátíðin hefst með því að Sinfóníuhljómsveit Tónlistarskóla Hafnarfjarðar leikur á Torginu, en Torgið er aðalrými skólans við Strandgötu, síðan mun Suzukideild skólans leika í Hásölum og að því loknu taka lúðrasveitirnar við á Torginu. Kl. 14.30 verður einleikur og samspil í Hásölum og síðan taka við hljómsveitir úr Tónkvísl, sem er hryndeild skólans og að lokum er endað á einleiks/samleikstónleikum í Hásölum.

Allir hjartanlega velkomnir að líta við og hlýða á unga fólkið í bænum okkar. Þau eiga kannski eftir að hafa atvinnu af því að starfa sem tónlistarmenn.

Í ár eru 588 nemendur skráðir við skólann. Þeir skiptast þannig í deildir: Blásturdeild með 97 nemendur sem læra á ýmsar stærðir blokkflauta, básúnu, horn, klarinett, kornett, óbó, saxófón, trompet og þverflautu. Gítardeild með 58 nemendur, harmónikudeild með 5 nemendur, píanódeild með 139 nemendur, slagverksdeild með 27 nemendur, strengjadeild með 52 nemendur sem læra á fiðlu, víólu, selló og kontrabassa, Suzukideild með 28 nemendur sem læra á fiðlu, píanó og selló, söngdeild með 21 nemanda og Tónkvísl, sem er hryndeild skólans en þar læra nemendur á píanó, rafgítar, rafbassa, slagverk og söng. Auk þess er starfandi forskóli og á fyrsta ári eru 61 nemandi og á öðru ári sem er blástursfornám sem er nýjung við skólann eru 45 nemendur sem læra á básúnu, horn, klarinett, saxófón, trompet og þverflautu. Starfandi er fjöldi hljómsveita og samspila svo sem sinfóníuhljómsveit, lúðrasveit, gítarsveit, strengjasveit og fleira.

Úrvalslið kennara starfar við skólann eða samtals 55 og eru margir þeirra jafnframt kennslu starfandi tónlistarfólk á ýmsum sviðum tónlistarinnar.

Fjölmargir hafa stundað nám í gegnum árin við skólann og hafa margir stigið þar sín fyrstu spor á sviði tónlistar. Af þeim sem eru í sviðsljósinu þessa dagana má nefna Hildi Guðnadóttur sem sló sína fyrstu strengi á selló hér við skólann þá 7 ára gömul en hún sem kunnugt er samdi tónlistina við þáttaröðina Chjernobyl sem hún hefur hlotið mikið lof fyrir og fjölda verðlauna og kvikmyndina Joker þar sem hún er tilnefnd til Bafta og Óskars. Einnig Báru Gísladóttur sem lærði á kontrabassa hér við skólann og hefur fengið fjölda viðurkenninga og er meðal annars með verk hjá Sinfóníuhljómsveit Íslands sem heitir Ós og verður flutt á Myrkum músíkdögum annað kvöld auk þess að vera með margt fleira í farvatninu

Dagskráin:

13:00 Torgið Sinfóníuhljómsveit

13:30 Hásalir Suzuki deild

14:00 Torgið Lúðrasveitir

14:30 Hásalir Einleikur - samspil

15:00 Torgið Hljómsveitir

15:30 Hásalir Einleikur - samspil


Tónlistarskóli Hafnarfjarðar | tonhaf@hafnarfjordur.is | Strandgötu 51 | 220 Hafnarfirði | Pósthólf 23
Sími 555 2704 | Bréfsími 565 4909