Góður árangur nemenda á svæðistónleikum Nótunnar í Salnum
Á laugardaginn 17. febrúar tók Tónlistarskólinn þátt í tvennum tónleikum á vegum Nótunnar. Tónleikarnir voru svæðistónleikar þar sem 6 tónlistarskólar keppa um að tónlistaratriði frá þeim komist á lokahátíð Nótunnar sem verður í Eldborgarsalnum í Hörpu sunnudaginn 4. mars.
Nemendur
Tónlistarskóla Hafnarfjarðar stóðu sig frábærlega á þessum tónleikum, en af
samtals 15 tónlistaratriðum voru 5 frá Tónlistarskóla Hafnarfjarðar.
10 tónlistaratriði fengu sérstaka viðurkenningu og 7 þeirra fara áfram á
Lokahátíðina í Hörpu.
Tónlistarskólinn okkar fékk þrennar viðurkenningar og tvö atriði fara áfram.
Nemendurnir sem kepptu fyrir hönd skólans voru: Kristín Guðríður Bjarkadóttir, selló og Sæunn Helgadóttir, píanó – Hildur Sif Hallgrímsdóttir, selló og Inga Lára Gunnarsdóttir, gítar – Svanhildur Júlía Alexandersdóttir, þverflauta sem vann til verðlauna – Hákon Aðalsteinsson, píanó og söngur sem vann til verðlauna og fer áfram á lokahátíðina og Klara Hödd Ásgrímsdóttir, píanó sem vann til verðlauna og fer líka áfram á lokahátíðina í Hörpu. Tónlistarskólinn óskar öllum þessum nemendum til hamingju með frábæra framistöðu á tónleikunum í Salnum á laugardaginn.